Home Llywodraethu Gwasanaethau Academi Anheddau Gweithio i ni Cysylltwch â ni
Embedded Files
Do you have any questions or comments about what we do? A oes gennych unrhyw gwestiynau neu sylwadau am yr hyn rydym yn ei wneud?
Llywodraethu
Mae hygrededd Anheddau fel esiampl o ofal cymdeithasol yn seiliedig ar 35 mlynedd o brofiad, ar ddatblygu gwybodaeth, ac ar gasglu a meithrin cymhwysedd ar bob lefel o’r Sefydliad.Yn arbennig, mae ein Bwrdd Ymddiriedolwyr a’n Bwrdd Gweithredol yn meddu ar amrywiaeth o wybodaeth ddofn a phrofiad yn y sector gofal cymdeithasol.
Mae Anheddau yn Elusen Gofrestredig ac yn Gwmni Cyfyngedig drwy Warant, a chaiff ei lywodraethu gan ei Femorandwm ac Erthyglau Cymdeithasiad. Mae’r Ymddiriedolwyr yn dirprwyo’r gwaith o reoli’r Sefydliad o ddydd i ddydd i’r Prif Weithredwr. Yna, caiff dyletswyddau eu cyflawni fel y bo’n briodol gan reolwyr eraill o fewn Anheddau.
Mae gan y Sefydliad strwythur llywodraethu â dwy haen.
Haen Un
Cyngor Rheoli (Y Bwrdd Ymddiriedolwyr Llawn gyda’r Prif Swyddog Gweithredol ar Cyfarwyddwr Strategol Adnoddau . Mae’r Bwrdd Ymddiriedolwyr Llawn (Cyngor Rheoli) yn cwrdd bob chwarter, yn ychwanegol at y Cyfarfod Cyffredinol Blynyddol.
Haen Dau
Bwrdd Gweithredol. Bydd y Prif Swyddog Gweithredol a'r Cyfarwyddwr Strategol Adnoddau yn cwrdd â Chadeirydd y Bwrdd Ymddiriedolwyr fel Grŵp Gweithredol. Mae’r grŵp hwn yn cwrdd o leiaf chwe gwaith y flwyddyn. Yng nghyfarfodydd y Grŵp Gweithredol, bydd yr Uwch Reolwyr yn adrodd i’r Cadeirydd ac ymdrinnir â materion sydd ddim angen cymeradwyaeth gan y Bwrdd llawn. Caiff adroddiad gan y grŵp hwn ei roi i’r Prif Weithredwr a’r Cadeirydd i’r Bwrdd llawn. Y Bwrdd fydd yn gwneud y penderfyniadau terfynol ac yn cadarnhau’r polisïau y mae’r Sefydliad yn rhwym wrthynt. Mae’r Bwrdd yn derbyn cofnodion llawn y Bwrdd Gweithredol.
Fel Ymddiriedolwyr yr Elusen, mae aelodau gwirfoddol y Bwrdd wedi ymrwymo i ddarparu’r gefnogaeth o’r ansawdd gorau drwy seilwaith sy’n seiliedig ar werthoedd yr elusen ac sy’n gymwys i bawb fel ei gilydd. Fel sefydliad nid-er-elw, mae Anheddau yn gallu canolbwyntio ar ddarparu gwasanaethau ac ar yr arferion gorau yn hytrach nag ar gael elw o’i weithgareddau.
Mae Anheddau yn ei ddisgrifio ei hun fe Sefydliad sy’n seiliedig ar werthoedd – a’r gwerthoedd hynny yw “Ymrwymo, Grymuso, Rhagori”. Mae’r rhain yn gymwys i weithrediad mewnol ac allanol y busnes ac i ffordd rydym yn ymwneud â’r unigolion a gefnogir gennym.
Cyngor Rheoli
Dr Brian Jones - Cadeirydd
Jonathan Walsh - Trysorydd
Dr Margaret Flynn
Sue James
Claire Thomas-Hanna
John Idris Jones
Rheolwyr Gweithredol
Mae’r rheolwyr yn treulio amser gydag unigolion a staff ac maent yno i sicrhau bod y gefnogaeth yn cael ei darparu’n effeithiol. Mae’r unigolion yn eu hadnabod yn iawn ac maent yn wybodus am anghenion eu cynlluniau cefnogi. Mae rheolwyr o wasanaethau eraill yn cynnal ymweliadau annisgwyl er mwyn sicrhau cysondeb. Ffocws pob ymweliad gan y rheolwyr yw adolygu ansawdd y cymorth, a chydymffurfiaeth â rheoliadau.
Caiff adroddiadau gan bob haen o reolwyr eu cyflwyno bob mis, a chaiff yr wybodaeth hon ei chasglu bob chwarter ar gyfer yr Unigolyn Cyfrifol, y Rheolwr Cofrestredig, Pennaeth y Gwasanaeth, a’r Ymddiriedolwyr.
Swyddogion Cofrestedig
Claire Higgins yw’r Unigolyn Cyfrifol.
Sharon Burke a Bethan Edwards Newport yw'r Rheolwyr Cofrestredig. Mae’r ddwy yn gweithio yn y Swyddfa Gofrestredig ym Mangor.
Maent yn cael eu cefnogi yn y gwaith o reoli gwasanaethau o ddydd i ddydd gan dîm o reolwyr, sy’n cynnwys Pennaeth y Gwasanaeth, Rheolwyr Gwasanaeth a Rheolwyr Tŷ.
Mae Claire Higgins yn cynnal ymweliadau â Gwasanaethau bob chwarter, i siarad gyda phobl sy’n cael eu cefnogi ac i gael golwg gyffredinol ar reolaeth, ansawdd, diogelwch ac effeithiolrwydd y gwasanaeth bob amser.
Nia Prendergast
Fel y Cyfarwyddwr Strategol Adnoddau mae Nia Prendergast yn atebol am swyddogaethau Corfforaethol a Busnes Anheddau gan sicrhau ei fod yn cyflawni ei ganlyniadau busnes strategol trwy ddatblygu perthnasoedd deinamig a chydweithredol gyda phartneriaid a’n timau wrth gyflawni ein gweledigaeth a chanlyniadau sefydliad cyfan ar gyfer y bobl sy’n defnyddio ein gwasanaethau.
Mae hi’n cadw trosolwg ac yn pennu cyfeiriad strategol cyffredinol materion Adnoddau.
Mae Nia yn angerddol am weithio gyda’n gilydd i wneud gwahaniaeth cadarnhaol i fywydau oedolion bregus er mwyn ‘cael y bywyd gorau posib’ trwy ddarparu profiad cefnogol a boddhaus iddynt sy’n canolbwyntio ar eu hanghenion unigol a’r hyn sy’n bwysig iddyn nhw.
Claire Higgins
Claire ydy’r Prif Swyddog Gweithredol.
Mae Claire yn gyfrifol am sicrhau bod y Sefydliad yn cael ei reoli’n effeithiol.
Mae gan Claire brofiad helaeth o reoli Adran Gwasanaethau Cymdeithasol fawr a chymhleth.
Ar ôl dechrau fel Gweithiwr Cymorth yn ei harddegau hwyr, mae Claire wedi gweithio am 30 mlynedd i gael y cymwysterau i arwain a thrawsnewid gwasanaethau.
Mae calon Claire yn wastad wedi bod ar ganfod atebion i alluogi pobl i fyw bywyd egnïol a llawn.
A hithau â hanes o ddelio â sefyllfaoedd anodd, mae Claire wrth ei bodd yn canfod atebion ac mae hi bob amser yn canolbwyntio ar yr hyn mae pobl ei angen a’i eisiau.
Adroddiad Arolygu ar gyfer Anheddau -
Arolygiaeth Gofal Cymru
CIW - INSP00062804DQQB - RISCA_Inspection Report_CY - Published Report (1).pdfReport abuse