Tudalen Agoriadol / Home Page

Cyflwyno Anheddau

Beth yw Anheddau?

Elusen leol ddi-elw sydd yn gweithio gyda unigolion sydd ag anghenion cefnogaeth yw Anheddau.

Rydym wedi ein lleoli ym Mangor ac wedi ennill enw da am ddarparu cefnogaeth o'r radd uchaf i nifer o unigolion ar hyd a lled Gogledd Cymru.

Gaiff Anheddau ei redeg gan Gyngor Rheoli gwirfoddol a thim rheoli bach o staff proffesiynol.

Rydym yn gweithio yn agos gyda asiantaethau a mudiadau eraill sydd, fel ninnau, yn ceisio gwella a datblygu gwasanaethau a bodloni anghenion a dymuniadau'r bobl hynny sy'n eu defnyddio.

Rydym yn cyflogi dros 100 o staff ar gytundebau parhaol ac mae gennym nifer o staff cynorthwyol sy'n cael ei talu yn ol yr awr.

Staff yw'r allwedd i unrhyw wasanaeth o ansawdd, a rhoddwn gryn bwyslais ar ddatblygu staff.

Gawsom ddyfarniad Buddsoddwr mewn Pobl ym 1996 chawsom ail asesiad llwyddianus yn 2001.

Rydym wedi cofrestru gyda'r Gomisiwn Elusennau (rhif 701697) a chyda'r Ty'r Cwmniau (Cwmni Cyfyngedig drwy warant rhif 2380151)

Pa wasanaethau a gynigir gennym?

Llety gyda chefnogaeth - darparu system gefnogi lawn sy'n galluogi unigolyn i fyw yn ei gartref, neu ei chartref, ei hun. Yn aml, mae hyn yn gefnogaeth tymor hir, mewn partneriaeth â Gwasanaethau Cymdeithasol/Iechyd a Chymdeithasau Tai.

Gofal Cartref, Cronfa Byw'n Annibynol, Gofal Dydd a Gofal Seibiant - darparu cefnogaeth nad yw mor ddwys, fel rhan o becyn gofal i unigolion.

Anheddau Awyr Agored - darparu cyfleoedd i unigolion roi cynnig ar ddringo, abseilio, mynydda, beicio a gweithgareddau eraill yn yr awyr agored.

Os hoffech rhagor o wybodaeth am unrhyw agwedd o Aneddau, ffoniwch (01248) 372 330 neu cysylltwch â ni.